زهرة كوريا
أميرة جَديدة..!ّ
مسآهمـآتــيً $ : : 396
أنضمآمـيً للمنتـدىً : : 02/08/2014
 |  موضوع: هذي الدراما كورية وجميلة  الأحد أغسطس 03, 2014 12:56 pm | |
| مساء الخير    منذو زمن  وأنا ودي أعلق ع الحلقات بس أخذتني ترجمة المسلسل والأشغال الثانيه وإن شاء الله أعجبتكم  والبنات ماقصروا جالسين يشتغلون بسرعه عشان ننتهي مع نهاية المسلسل على طول  اتوقع المسلسل ككل فاق توقعات ناس كثير لأنهم توقعوا القصة ميوزك وبس , لكن قصة هالمسلسل تضمنت أشياء كثير تمر على أي شخص , الصداقة والخيانه , الحب والتضحيه , الإستغلال والضياع , والشئ الحلو بالنسبة لي بهالمسلسل أن الكل جالس يبحث عن دوره بالحياة أو جالس يبحث عن مكانه وسط هالعالم  سواء هالشئ كان بوجود شخص يحبه , أو مسامحة شخص يكرهه الشئ الشين بالمسلسل هو تعليقات العالم على الكوبلز ( سواء هنا بالأقلاع أو بالمنتديات الأجنبية ) أغلب الناس تقول أنا ماتابعت هالمسلسل إلا عشان هالكوبل الفلاني ...!مع انه أنا كل الأدوار معجبتني وكل شخص دوره ضابط عليه ولو قلنا أنه الكوبل المفضل عندك صار له مسلسل لحاله مدته 15 دقيقه هل راح تستانس يعني ؟  ليش مانستمتع بالمسلسل بكل جوانبه خخ بس صراحه يعطيكم العافيه لكل من دخل وعلق لأني استمتعت بتعليقاتكم خصوصاً اللي يكتبون تعليقات طويله , مرره وناسه وانا أقرأ ردودكم love , friendship , straggle , lostness , anger  1) صداقة تموت بين بيك هي و هي مي وصداقة تحيا بين هي مي وبيل سوك مع أني اتمنى بيك هي ترجع طيبه وترجع صديقه لـ هي مي بس ماادري كتاب المسلسل شكلهم مو ناوين ع هالشئ فرحونا بالـ هاي فايف بينهم وبعدين خربوها مشاعر البنات بالمسلسل عموماً مو مفهومه , يعني ماني قادره أحدد وش يبون بالضبط ويمكن هالشئ محلي المسلسل عشان ماندري مين راح ينتهي مع مين   2) جين غوك إنسان ماعاش طفولته بأريحيه مثل كل طفل أمه تخلت عنه وأبوه اللي تبناه مايبغاه أتوقع أي شخص ينشأ من طفولة زي كذا , راح يضيع نفسه لأنه فقد الحنان وهو صغير ,لكن الشئ الحلو أنه نشوفه جالس يخبي قلبه المجروح عن كل الناس إلا عن هي مي وأحس لو تخلت عنه بيتدمر الولد وهذا اللي مخليني أحتار أختار مين يكون مع هي مي بالنهاية  3) سام دونغ إنسان قروي لكنه ذكي ومؤلف اغاني موهوب وماعانى مثل معاناة جين غوك بطفولتهلكن حبه الأول صار هي مي , ولأنه ماعنده تجارب قبل ومو عارف يعترف لها , ضاعت منه هي مي وهو كان يكذب كل الإشارات اللي كانت تبين أنهي مي تحب جين غوك , وهذه معاناته الأولى ومعاناته الثانيه هو سمعه اللي بدأ يروح الولد يقطع القلب بالحلقات الأخيرة اللي شفناها وأهم شئ بالنسبة لي أنهم مايخلونه جد يصير أصم  4) جايسون وبيل سوك وطرق شد الأنتباه  بالأول كانت بيل سوك تحاول تشد أنتباه جايسون لكن الحين صار العكس جايسون صاريحاول يشد انتباهها لكن هي كانت عارفه ليش تبغى تشد انتباهه , لأنها تحبه لكن هو الحين ماهو عارف ليش جالس يحاول يشد انتباهها أو أنه جالس يكذب على نفسه أنه مايحس بالراحه معها وحواليها ويمكن يكون يحبها  5) خطوط الحب بين المدرسين الثلاثه من أحلى الأشياء والمضحكة بالمسلسل هم المدرسين ومشاعرهم اللي مو عارفين وش معناها لبعض , ماأدري الكتاب وش ناوين عليه هل المدرسة لي يونجي بتكون مع المدرس كانغ أو المدرس يانغ يعني نفس حالة خطوط الحب الأساسية بين الطلاب خخ   6) أغاني المسلسل لحد الحين وأنا مدمنتها والحين طلعت أغنيه جونسو والإدمان زاد وأتوقع لو يجمعون كل الأغاني ويحطونها بألبوم واحد راح يكسر السوق فأتمنى يسوونها وماتوقعت الريتينغ يكون كذا لكن الحمدلله خابت توقعاتي وكوريا حبوا المسلسل ونتمنى يأخذ جوائز نهاية السنة . | |
|
زهرة الربيع
أميرة جَديدة..!ّ
مسآهمـآتــيً $ : : 422
أنضمآمـيً للمنتـدىً : : 24/08/2014
| | موضوع: رد: هذي الدراما كورية وجميلة الأربعاء يوليو 01, 2015 8:20 am | |
|
أج ــمل وأرق باقات ورودى
لردك الجميل ومرورك العطر
والله يعينا على طاعتة وغفرانة
كل الود والتقدير
دمت برضى من الرح ــمن
لك خالص احترامي وتقديري
| |
|
