بسم الله الرحمن الرحيم السلام عليكم ورحمة الله وبركاته اللهم صلى وسلم وبارك على اشرف المرسلين سيدنا محمد وعلى الى وصحبه اجمعين عليه الصلاة والسلام ♥ اما بعد ازيك يا جميلات اخباركم ؟ ان شاء الله تمام وبصحه وعافيه طبعا معظمكم هيبدأ اختبارات علشان كده حبيت اضع الموضوع ده وهو عن بعض الحالات اللى بنمر بيها قبل الاختبار كان المفروض اشع الموضوع من زمان بس اليوم جاتنى الفكره المهم انه بالنهايه ينال على اعجابكم حبيباتى طبعا بسبب الضغط اللى بتتعرضيله والمذاكره بتشعرى بتوتر كبير وكمان ممكن تمرضى بسببه او تزهقى من المذاكره طبعا الكل بيخاف قبل الاختبار وبيجيله شعور انه مش عايز يدخل الاختبار ويوم الاختبار ما ينام او يقلق كتير بالليل وبسبب كده بيروح الاختبار وتركيزه اقل شوى وكمان بيجيله صداع وبيبقى عايز ينام ومش بيقدر يذاكر للماده التانيه وده طبعا كلنا بنعمله وهو اننا اول مانمسك ورقة الامتحان ونلاقى سؤال سهل فورا نجاوبه واحنا متأكدين 100 % انه صح واول مانطلع من اللجنه ونراجع مع زملاتنا نلاقى نفسنا حليناه غلط ووقتها بنندم ونبكى وبنرجع البيت زعلانين ونبقى مش عايزين نذاكر للماده التانيه من الزعل جايبالكم نصايح تعملوها قبل الاختبارات وان شاء الله تفيدكم
1/ قبل ماتذاكرى تقولى الدعاء 2/ تخلى كل تركيزك فى الماده اللى بتذاكريها 3/ بس تخلصى تقولى الدعاء 4/ تحافظى على صلاتك 5/ قبل ما تنامى بالليل تقرأى قرآن 6/ بس تروحى المدرسه لاتتوترى وثقى انك عملتى اللى عليكِ وقولى يارب اعطينى على قد مجهودى 7/ قبل ماتمسكى الورقه تسمى بالله 8/ تقرأى السؤال مره واتنين وثلاثه بتركيز وماتستعجلى بالحل 9/ السؤال اللى ماتعرفيه سيبيه للنهايه وبعدين ارجعيله وادعى ربنا انك تتذكرى اجابته واقرأيه مره تانيه بتركيز شديد 10/ لما تخلصى حل راجعى وحلى الاختبار كأنك اول مره تحليه 11/ اذا طلعتى ولقيتى نفسك غلطانه لاتزعلى وقولى الحمد لله وادعى ان ربنا يعوضهالك فى ماده تانيه وانسى الماده دى وروحى ذاكرى للماده التانيه بتركيز اكبر وبكده يكون انتهى الموضوع انتظر ردودكم المبهره