روااية }{صدفةًًً}

اقتباس :: ~ الحـلقـة الاولـي ~

طبعآ زى مآ متعودين اول حلقتين بيبقوا تعريف للقصة والشخصيآت اللى فيهآ وفى شخصيات هتظهر بعدين

_______
فى حياتنا صدف كتير بتحصل منها حلوه ومنها الوحشه ومنها الى مش بتتكرر تانى .. قصتنا لبنوته حياتها عباره عن صدف غيرت حياتها

(عليا) من اسره متوسطه زى معظم البنات ,و (عليا)من البنات الى جمالهم متوسط بس جمالها فى روحها واخلاقها الى بيشهد بيه كل الى يعرفها لكن وهى ف الثانويه اتوفى باباها ومامتها ف حادثه وعاشت عند اخوها
ودخلت الجامعه وكان ليا اصدقاء كتير وكانت مقربه منهم اوى بس محدش كان يعرف حاجه عنها كانت غير واحده بس وهى (مى )
كانوا دايما مع بعض فى الرايحه والجايه وكانت تعرف كل حاجه عن بعض بالتفاصيل التفاصيل ...
عليا: الو يا مى انتى فين يابنتى النتيجه نزلت وانا رايحه اشوفها هتيجى ولا هتكسلى
مى: والله يا لولى انا خايفه بقولك شوفيها وابقى عدى عليا
عليا :بطلى كسل بقى دى اخر سنه لينا وكل العيال هيتجمعوا وانا استاذنت من محمد انى هتاخر مضيعيش عليا اليوم بقى ولا اجيلك وانزلك ؟
مى: هتجيلى الهرم علشان نرجع العباسيه انتى مجنونه وتعمليها لا خلاص عقبال ما توصلى هكون نزلت وركبت المترو فى محطه نستنى بعض متخرجيش :_
عليا: تمام يلا اراكى قريبا بباى

قفلوا مع بعض وكملت لبسها عليا ببطئ وهى بتحط الميكب شافت صوره باباها ومامتها وبنظره اشتياق والم ع فراقهم
ونظره بتقول ياريتكم كنت معايا فى الحظه ديه باب اوضتها خبط
عليا: ايوه اتفضل
محمد: صباح الفل ياقمرنا هتروحى تجيبى النتيجه
عليا: ايوه ان شاء الله ادعيلى يا محمد اطلع صافى انا راضيه بالتقدير الشعبى
وضحكوا الاتنين
محمد: خير ان شاء الله اهو انتى عملتى ال عليكى المهم خلى بالك وانتى ماشيه وتطمنينى لما تجبيها
هسيبك بقى تكملى لبسك وانا هنزل عندى مشوار لشغل .
وهو قايم راح يبوس عليا من جبينها راحت حضنته اوى وكانت هتدمع
عليا: محمد ربنا يخليك ليا بجد انا محظوظه ان عندى اخ زيك عوضتنى كتير عن بابا وماما بحنيتك
محمد: انتى عبيطه انتى قبل ما تكونى اختى انتى بنتى الكبيره يلا مش عاوزين نقلبها دراما فى يوم حلو زى دا
خلى بالك ع نفسك ومتتاخريش وانتى مع اصحابك ..اه صحيح معاكى فلوس ؟
عليا وهى بتبتسم : اها معايا بس لو عاوز تدينى مش هقولك لا
ضحك محمد واداها فلوس وقالها : خدى يا عفريته ولو احتاجتى حاجه عرفينى
عليا: محمد عاوزه ابقى ازور قبر ماما وبابا لما اجيب النتيجه هتيجى معايا ولا مش هتقدر
محمد : انتى مش بتفوقتى مناسبه الى لما تروحى خلاص هظبط يوم ونروح الاسبوع دا يلا سلام
عليا : سلام
__________________________________________________ _____________________
خلصت عليا لبس وتجهيز واتصلت على مى لاقيتها خلصت لبس ونزلت فقدرت الوقت والمسافه لانها اقرب منها لجامعه
ونزلت ركبت المترو وفى السكه وكان ع وشها ابتسامه انها خلاص خلصت الجامعه ومقابله اصحابها الى نصهم اتجوز والنص التانى يا خاطب يا مرتبط
الا هى ومى ال كانوا رافضين فكره الارتباط الغير جدى من الجامعه وعملوا صداقات كتير ..
وصلت قبل مى بربع ساعه وفضلت مستنياها
وصلت مى
عليا : ماهو لو انتى صحيتى بدرى كنتى جهزتى ونزلت بدرى
مى: خلاص بقى يا لولى الله انتى عارفه انى كل سنه بشيل عادى لسنه الى بعدها لكن البكاليورس لا صعبه
ومعنديش استعداد لصدمه ديه
عليا: انا صدمتى ايه ال يعرفنى واصاحب الاشكال المحبطه ديه يلا انجزى خلينا نروح ونلحق اليوم العيال عمالين يكلمونى
مى: مستعجله على ايه يلا بينا

وصلوا الجامعه ودخلت عليا وهى بتجر بايدها مى الخايفه من النتيجه لكن مى قالتلها روحى شوفيها وتعاالى هستناكى هنا
ووصلت عليا للوحه المعلقه النتيجه
بصت عليا وكانت مخضوضه وخايفه وراحت بصت لمى
عليا: مى مش عارفه اقولك ايه
مى وهى قلقانه : عليا انا قلتلك مش عاوزه انزل متقوليش حاجه
عليا: انا بصراحه مش عارفه ازاى دا حصل
مى: مجتش على ديه ماانا متعوده عادى بقى كان نفسى افرحهم فى البيت
عليا: ماانا مش عارفه هيستقبلوا الخبر دا ازاى فى البيت عندك انا مش مستوعبه
مى: خلاص يا عليا بقى هقولهالهم زى ما تيجى بقى المهم كام ماده نزلتهم
عليا : امممممممممممممممممممم كلهم
مى مخضوضه : اييييييييييييييييه ولا ماده نجحت فيها داانا لو كاتبه اسمى ورقم الجلوس هيدونى درجه عليهم
عليا وهى بتضحك : كلهم نجحتى فيهم يا ميوش نجحتى صافى وكمان بجيد جداااا ودا ال مستغرباله
مى نطط من مكانها : ايه انا نجحت وجيد هيغمن عليا الحقينى بس قبل ما يغمن عليا ايه الى عملتيه فيا دا يا حيوانه
عليا وبتضحك : حبيت اعمل فيكى حركه
بس والله نجحتى صافى وانا كمان صافى وال مستغرباله انا وانتى تقدير العام جيد معانك كنتى كيفيه شيل
مى وهى بتتنك : قدرات يا ماما قدرات
حضنت مى عليا اووى وكانوا فرحانين جداا بالنتيجه وراحت مى تتاكد من النتتيجه لاقيتها زى ما عليا قالتلها
راجعت وراحوا قابلوا اصحابهم وكان الكل فرحان بالنتيجه كلهم نجحوا
وقضوا اليوم مع بعض ورجعت )عليا( البيت لاقت محمد عاملها مفاجاءه
عليا: السلام عليكم ايه دا ال انا شايفاه
محمد: التورته ديه هديه من مازن لعمتو علشان نجحت وخلصت جامعه بتقدير جيد
عليا: متشكره اوووووى يا مازونتى (باسته ( وابو مزونتى (حضنت اخوها) وام مازونتى كمان يلا (حضنت مرات اخوها)
قضت لحظات حلوه معاهم وبعد اليوم ما خلص دخلت اوضتها تلم فى اوراق المذكرات وبتفتكر ايام الجامعه الى مش هتتكرر
__________________________________________________ _______
راحت مع محمد تزور باباها ومامتها زى ما اتفقت عليا معاه
قرت الفاتحه ليهم وطلبت من محمد يبعد علشان عاوزه تتكلم معاهم وفضلت تتكلم معاهم تطمنهم عليها
عليا: بابا ماما وحشتونى اووووووووووى كان نفسى تكونوا معايا فى اليوم دا وفى عيد ميلادى
محمد مش مقصر معايا فى حاجه ولا حاسه بغربه فى بيته معانى كتير حاسه انى حمل تقيل عليه
بس هو ولا حسسنى ولا مراته بحاجه ودايما بحكى لمازن عنكم وبوريه صوركم ... انا جيت علشان اقولكم زى ما وعدتكم من اخر زياره
انى هذاكر كويس وهنجح وانا نجحت بتقدير جيد وهحاول اكون انسانه كويسه معانى مفتقده حاجات كتير عمرها ما هتيجى بالفلوس
بس مش عاوزاكم تقلقوا انا عليا بنتكم وهتفضل اسم ع مسمى عليا بيكم وبتربيتكم وبااخويا محمد
مش عاوزاكم تقلقوا عليا انا بخير وهحاول ادور ع شغل وهاجى اقولكم
انا همشى بقى علشان الوقت وفى اقرب وقت هجيلكم تانى سلام عليكم
__________________________________________________ ______________
صحيت (عليا) بدرى بعد ما اخدت الاجازه يوميا حست بالملل فى يوم كلمت مى
عليا : ميووش ازيك يا حبى بتعملى ايه يابت من ورايا
مى: مفيش يااختى مشغوله بس علشان انتى عارفه فرح امل اختى قرب فدوشانى معاها
عليا: مى انا زهقت من القعده متيجى ندور ع شغل
مى: حوشنى يابت الشغل اللى حوالينا ومش لاقى حد يشتغل ومستنينا
عليا: يخربيت التفائل الى عندك يقفل محل قبل ما يفتح
مى: ماهو انا بجبلك الاخر صعب نلاقى شغل
عليا: تعالى نجرب انا اتكلمت مع محمد وقالى بلاش تتمرمرطى انتى عاوزه حاجه وقلتلك لا قلتله عاوزه اجرب
تعالى واحنا ونصيبنا بقى واهو اعتبريها تمشيه
مى:انتى مش عارفه انهم بيبقوا طالبين خبره ولغه وكمبيوتر واحنا ماشاء الله علينا ماشين برضا الدعاء
عليا: تعالى نجرب ولو قفلت اوى نبقى ناخد كورسات مش فاكره واحنا ف الجامعه كانت صفاء واحمد اشتغلوا من غير مؤهلات وادربوا
مااحنا ممكن نلاقى شغل يدربونا وبعدين نتثبت اهو تغيير بدل الملل دا
ماشى يا ست النشيطه بس بعد فرح امل علشان اكون فضيت
عليا : تمام خلاص بس متنسيش بقى انتى وعدتينى وانتى عارفه لما بقفش ف الكلمه
مى: بطلعى عين ال وعدك لغايه ما ينفذها
ضحكوا هما الاتنين وقفلوا التليفون
__________________________________________________ _____
نفذت مى وعدها ل عليا بعد فرح اختها حددوا كذا مكان من الاعلانات ويروحوا يقدموا فيها
طبعا بعد لف ومعاناه ملقوش حاجه تنفعهم والسبب ياما مش مؤهلين لشغل يااما الشغل مش مناسب ليهم
فتعبوا ورايحين اتجاه المترو علشان يروحوا ودخلوا فى المحطه يستنوا المترو
مى: منك لله يافخرى انا قلتلك من الاول الموضوع فاكس ورمتيلى رجلى يا شيخه منك لربنا
عليا: وهو انتى فاكره اول ما هننزل هنلاقى شغل وش مكنش حد غرم يا ميوش
مى: احنا بقالنا شهرين ع الحوار دا ومش لاقينا حاجه زهقانه اوى كده تعالى نقدم ف كورس
عليا: مدا انا فكرت فيه وكنت هقولك عليه
وهما قاعدين بصت عليا شبهت على واحده
عليا: مى مى بصى كده مش ديه شبه صفاء
مى: انا مش قادره ابص فين
عليا: هناك اهو
مى: اهااا تصدقى هى فعلا
عليا: تعالى نروح نسلم عليها ونسئلها ع شغل لو عاوزين خرجين
مى: منك لله يافخرى هو انا قادره روحى انتى وانا هستنالك المترو لما يجى هخليه يستناكى
عليا: دا وقت هزار يلا قومى
مى: والله ما قادره روحى انتى
قربت عليا من صفاء
عليا: صفاء
صفاء: علياااا ازيك يابنتى وفينك
عليا: فى الدنيا اهو وانتى اخبارك ايه
صفاء : انا تمام اهو طالع عينى ف الشغل بعد التخرج ع طول
عليا: صدفه حلوه انى قابلتك يا صفاء و ربنا يوفقك كان فى طلب لو ممكن يعنى ؟
صفاء: اتفضلى ياعلياا انتى من الشخصيات الى مقدرش ارفضلها طلب
عليا: تسلمى يارب لو فى مكان لشغل عندك ليا ولمى ياريتك تعرفينى
صفاء : هى مى معاكى
عليا: اهاا بس هى مش قادره تمشى وقاعده هنا اصلنا طول اليوم كنا بنلف على شغل وكده
صفاء من بعيد سلمت على مى : اتفقنا احنا عندنا دوره تدربيه وكانوا طالبين خرجين والى ماسكها احمد هشوفها وابلغك انتى رقمك زى ماهو صح
عليا: ايوه رنى كده علشان اشوف رقمك معايا ولا لا
صفاء: تمام كده استنى منى تليفون كمان يومين هشوف الدنيا وهبلغك
عليا: ميرسى اوى يا صفاء هتعبك وسلميلى على احمد
صفاء: يوصل ولا تعب ولا حاجه انتى من اكتر الناس ال ساعدتنى ف الجامعه محاضرات وكنتى بتقفى معايا لما بمر بظروف جيه الوقت ال احاول ارد فيه جزء
عليا :متقوليش كده احنا اصحاب واخوات
ركبت صفاء المترو ورجعت عليا لمى وحكتلها ع الحوار ال دار بينهم وجيه المترو ركبت عليا ومى راحت تغير المترو لان الاتجاه مختلف واتفقوا ع تليفون
__________________________________________________ _______________________
بعد يومين بالظبط لاقت تليفونها بيرن وكانت صفاء
عليا: الو ايوه يا صفاء
صفاء: ازيك يا عليا عامله ايه
عليا : انا تمام وانتى
صفاء: انا بخير ... انا اهتميت بطلبك واتكلمت مع احمد انى قابلتكوت
وكان مبسوط اووى وسالته ع الشغل التدريب قالى ممكن انتى ومى تيجى تعملوا مقابله وهو وانا هنساعدكم تتثبتوا
عليا: ميرسى اوى يا صفاء مش عارفه اشكرك ازاى
صفاء : تشكرينى انك تثبيتى هنا انك تستحقى الشغل دا
عليا: صدقينى مش هخذلك وهرفع رقبتك دانا اسمى عليا
صفاء بتضحك: على طول بتقولى الكلمه ديه وقدها فعلا
عليا: نيجى امتى طيب وايه المطلوب
صفاء: شهاده التخرج وشهاده الميلاد والبطاقه الشخصيه و4 صور ليكم والمعاد الساعه 10 فى مقر الشركه هبعتلك عنوانها
عليا: ميرسى اوى يا صفاء 10 بالدقيقه هنكون هناك
وقفلت عليا وهى مبسوطه وخرجت فرحت محمد اخوها ورجعت كلمت مى
مى: ايوه يا قدرى
عليا: فوقى من غيبوبتك ديه بكره اعملى حسابك عندنا مقابله
مى: مقابله ايه فى عريسان
عليا: دايما همك ع الجواز كده
مى: ماهو مفيش شغل نتجوز بقى الله
عليا: طيب نشتغل والجواز هيجى بعدين يا خفه صفاء كلمتنى وحددتلنا معاد بكره
مى: وايه السرعه ديه
عليا: قالتلى كلمت مع احمد وهيظبتلنا الدنيا فى التدريب
مى: احمد ياااااااااااه الولد المز دا الى مش كان بيكلم بنات غيرك انتى وصفاء
وبعدين يعنى هنشتغل بواسطه كووسه يعنى ترضيها ع عيالك
عليا: ارضيها وارضيها عليكى وزى ما اتفقنا هندخل النار سوا والجنه سوا ها
مى: مش بقولك قدرى .. طيب تمام عرفينى ايه المطلوب وامتى ونتقابل بكره
قالتلها عليا ع المطلوب من الورق والمعاد وقفلت وبتجهز حاجتها وصلت ركعتين تدعى ربنا يوفقها ونامت
__________________________________________________ ___________________________
اتقابلوا فى الميعاد ووصلوا وقعدوا يستنوا دورهم فى المقابله
مى: قالتلك مين هيعمل المقابله
عليا: لا تصدقنى من فرحتى مسالتش
مى: يعنى هندخل نقولهم احنا معانا شهاده التخرج وربنا وخلاص مش هيسئلونا ع خبره واى بتنجان
عليا: صفاء طمنتنى وقالتلى احمد وهى هيساعدونا
مى: ماشى يا اختى لما نشوف دايما جرانى معاكى كده وفى الاخر متعرفيش فين

السكرتيره قربت وطلبت منهم يدخولوا المكتب دخلوا المكتب
علياومى فى نفس واحد : صباح الخير
لف ليهم واتفاجئوا باحمد : صباح الخير باشقى بنتين عرفتهم فى الجامعه
ضحكوا كلهم وعليا حست بطمائنينه بانه هو احمد لانها داخله هى وناصيبها
احمد وهو مبسوط : اقعدوا صفاء حكتلى على انكم بتدوروا ع شغل
عليا: بصراحه حسينا بملل فظيع ف بعد التخرج ودورونا ومش لاقينا حاجه مناسبه
مى: اتكسنا والله يا ااحمد ولا اقولك مستر
احمد: انتوا لسه متعينتوش بس بعد التعيين لازم مستر فى التعامل
عليا: الورق ال طلبتوه اهو مننا هنبتدى من امتى بقى
احمد: انتى جايه حاميه اوى ليه كده
مى: متستعجليش ياعم النشيطه هيطلع عينك
احمد بيضحك: لا مفهاش طلعان عين ولا حاجه بس شغلنا هنا لازم تحبوه علشان تستحملوا انتم هدخلكم فى الدعايه وليكم شغل بره وجوه الشركه
عليا: ايووه كده انا بمل من القاعده اصلا
مى: ممكن انا تخلينى جوه وهى تخليها بره انا بفكر اقطع علاقتى بيها هنا
ضحكوا كلهم ع كلام مى
احمد : ابقى ظبطوها مع بعض لان دوره التدريب هتبقى عن الدعايه والاعلان وخدمه عملاء
عليا : اوك هنبتدى من امتى
احمد: من اول الاسبوع والاجازه جمعه وسبت والمواعيد من 9 ل 5 وممكن تتاخروا لو فى ضغط ل 7 وهيتحطلكم مرتب موقت لمده 6 شهور وبعد التثبيت هيزيد
عليا: تمام اتفقنا وان شاء الله مش هنخذلكم ولا نحسسكم انكم اختارتوا غلط صح يا مى
مى: اه اه ان شاء الله
عليا: نستاذن احنا بقى علشان مش نعطلك ويوم الاحد هتلاقيها 9 بالدقيقه هنا
احمد فى وشه ابتسامه : تمام فى امان الله اشوفكم السبت
وهما خارجين
مى: لولى مش ملاحظه ان احمد احلو عن الاول بقى حاجه كده متظبطه
عليا: طول عمره كده بس علشان مش كان بيجى كتير وانتى طول الوقت ف الكافتريا مكنتيش بتشوفيه
مى: بس واضح ان الشركه ديه فتحه خير شايفه الرجاله ال يفتحوا النفس
عليا: انتى جايه تتجوزى ولا تشتغلى حضرتك
مى: ميضرش ان اتجوزت يعنى اهو اترحم منك واربى العيال
عليا : مش هديلك الفرصه تخلعى منى امشى قدامى
وهما ماشين كان واقف احمد بيبص عليهم من الشباك وع وشه ابتسامه
قابلوا صفاء
عليا: صفاء ميرسى اوى ع الفرصه ديه
صفاء: مفيش شكر بينا دا مش قادره اقولك احمد كان مبسوطه اد ايه فضى نفسه مخصوص وكنت انا ال هقابلكم نيابه عنه لانه كان عنده شغل بره وقالى عاوز يقابلكم
مى: ماهو قابلنا وقام بالواجب بس هو احلو امتى كده يا صفاء ها
خبطتها عليا فى درعها : بتهزر يا صفاء انتى عارفه مى بقى وشقاوتها
صفاء: لا عادى ماانتم معروف عنكم انتى العاقله ومى السعه
وضحكوا ومشيوا واتفقوا انهم هيشوفوا بعض اول الاسبوع الاحد
__________________________________________________ __
روحت عليا وهى مبسوطه اوى اكنها عملت انجاز لما لاقت شغل وهى مروحه اخدت جاتوه وحلويات علشان تحتفل مع اخوها ومراته ومازن بمناسبه الشغل
عليا: السلام عليكم يااهل الدار
محمد ومراته : وعليكم السلام ايه الى معاكى دا
عليا : حبيت احتفل بمناسبه انى اشتغللللللت
محمد وهو بيبتسم : بجد ايه الانجاز دا والسرعه مبروووووك يا قمرى
مرات محمد : مبروووك يا عليا يلا عقبال العريس
عليا: عريس مين انا الشغل المهم دلواقتى
مرات محمد: يعنى مش هتتجوزى ؟
عليا : لا طبعا هتجوز بس الشخص ال هتجوزه لازم احبه ويحبنى يفهمنى وافهمه شخص يخطفى ويغيرلى احساسى بالوقت معاه ومن غيره يعوضنى عن حاجات كتير زيك كده انتى ومحمد متعرفيش انا بحسدك اد ايه على محمد والله لو مش اخويا لكنت اتجوزته ..
ضحكوا كلهم ودخلت غيرت هدومها وخرجت واكلوا من الحلويات ولعبت مع مازن
__________________________________________________ _______
تانى يوم الصبح كانت لابسه وخارجه
مرات محمد: رايحه فين مش قلتى انك هتبتدى من اول الاسبوع
عليا: ماهو انا هبتدى من اول الاسبوع بس هروح ازور ماما وبابا اعرفهم انى اشتغلت لانى وعدتهم هطمنهم عليا
مرات محمد: قلتى لمحمد طيب
عليا: كلمته من شويا وقلتلته قالى خليكى الاسبوع الى جى قلتله مش هعرف علشان هبتدى شغل وعموما انا عارفه السكه هروح ومش هتاخر سلام
مرات محمد: فى امان الله خلى بالك ع نفسك
خرجت عليا من البيت اخدت تاكسى وراحت عند قبر امها وابوها قرت الفاتحه كالعاده طلبت من المقرء يقرا قران وبعد ما دعت اتكلمت معاهم
عليا: بابا ماما انا جيت علشان اطمنكم عليا انى اشتغلت خلاص ربنا سهلى امرى من دعواتكم ليا زمان انا عايشه بيها
هو شغل فيه ارهاق فممكن مش هيبقى عندى وقت اجى بس هحاول اجيلكم محمد بيسلم عليكم ومازن كمان ومرات محمد
متقلقوش عليا هحاول اكون كويسه فى الشغل ومش هسبب قلق معان معايا قلقى (مى) الى مبتسترش بس مقدرش استغنى عنها
همشى بقى انا دلواقتى وهحاول اجيلكم قريب اطمنكم عليا واقولكم اخبارى انا ومحمد
السلام عليكم
خرجت (عليا) وهى ماشيه علشان توصل لشارع علشان تركب تاكسى شنطتها ايدها اتقطع قدام مكان مقبره فيها شخص بيزورها
وطت عليها علشان تلم حاجاتها وكانت قريبه وسامعه الكلام ال بيتكلم لاقته راجل فى اول الخمسين من عمره بيشكى ويتكلم عن وحده
وفراق وطمع الى حواليه فيه ولاحظت ان فى عربيه غاليه واقفه مستنياه ومن فضولها خلااها تبطئ ف لم حاجتها وهى بتسمع لاحظت صوته اتغير راحت قربت منه لاقت مفيش صوت
دخلت تبص لاقته واقع على الارض جريت عليه
عليا: يااستاذ يا حضره انت كويس فى حاجه يا استاذ .. مفيش حد هنا حد يلحقنا فى راجل مريض هنا حد يلحقنا
دخل السواق بعد ما سمع صوت حد بيستغيث والناس قربت دخل العربيه
السواق: مصطفى بيه مصطفى بيه فى ايه حصل ؟
عليا: معرفش كان بيتكلم ومره واحده وقع
راحوا شايلينه وبتلقائيه وهى دخلت سنداه وراحت به المستشفى
دخل العنايه وكانت بره مستنيه تطمن عليه ولانها من النوع الجدع الى بتقف مع الى تعرفه ومتعرفوش فضلت مستنيه
اتعاطفت معاه لما سمعته حست انه عايش حاله وحده بفراق الشخص الى زاره ولانها عندها نفس الاحساس بس محدش حاسس بيها لانها بتضحك على طول ومش بتشتكى
عليا: لو سمحتى هو المريض استاذ مصطفى عامل ايه
الممرضه: كويس دلواقتى لحقوه ف الوقت المناسب الى جبتوه هنا
عليا: يعنى هيكون احسن مع الوقت
الممرضه: الدكتور قال اسبوع وهيكون بخير متقلقيش باباكى هيبقى كويس
عليا تنحت من باباكى ديه وقالتلها : اه ان شاء الله
بعد ما اطمنت عليه مشيت روحت وكانوا فى البيت قلقانين عليها وكانت مهلوكه من اليوم وبالنسبالها كان صعب
دخلت اخدت دش وكلمت مى وحكتلها على الى حصل ونامت بعدها
________________________________________
فى اليوم الى بعده بعد ماصحيت كلمتها مى علشان ينزلوا يجيبوا طقمين علشان الشغل وكده قابلوا فى وسط البلد
عليا: انا مش قادره يا مى امشى امبارح تعبت اوى من الى حصل قلت هرتاح لغايه ماننزل شغل
مى: يعنى عاوزانا ننزل بهدوم قديمه
عليا باستغراب: هدوم قديمه هما اصلا شافونا علشان تقولى قديمه
مى: يعنى انتى ملاحظتيش المنجهه الى فى الشركه وماسوره الرجاله الى موجوده واحمد ال اتحول دا
كان فين دا لكنت اتشعبطت فيه ومسبتوش غير لما ارتباطنا
عليا: لا بقولك ايه احنا عاوزين نشتغل مش نعمل علاقات وحوارات
مى: خلاص ياست الناظره هنشتغل بس ميضرش برضه ...
ولسه هتكمل كلامها مى عليا بصتله بصه
مى: ميضرش برضه اننا نشتغل كويس كويس اوووى
عليا: ايوه كده
عليا: بقولك ايه تعالى معايا مشوار كده هنروح اشوف الاستاذ مصطفى الى تعب امبارح دا عامل ايه
مى: هو من اهلك مش عملتى الى عليكى
عليا: ياستى اعمل الخير وهرميه تعالى بس دا كان تعبان اوى
مى: ياام القلب الحنين يلا ياااختى
راحت عليا ومى اطمنت على مصطفى انه كويس والدكتور هيخرجوا كمان يومين
رجعوا واشتروا الى عاوزينه وروحوا البيت
__________________________________________________ __
جه يوم الاحد وكان بالنسبه ل (عليا) اكنه عيد صحيت من بدرى وجهزت البس الى هتلبسه وصحت (مى) كالعاده
واتفقوا هيتقابلوا فين
نزلت (عليا) من البيت وهى بتردد الدعاء : توكلت على الله ولا حول ولا قوه الا بالله
قابلت (مى)زى ما اتفقوا ووصلوا الشركه الساعه 9 الا ربع وسئلوا ع اماكنهم ودخلت المكتب وهى رايحه مكتبها
مى: عليا ايه الى على مكتبك دا ؟؟؟؟؟
__________________________________________________ _____
رايكو !!!!!!!!!!!!!!! وتوقعاتگم
‪
ازا ما في تفاعل يغلق !!

ليس بغريب عليك هذا التألق المميز
كعادتك تعزف الحرووف على اوتار القلووب
فيتعمق بناا الإحساس
وياخذنا سريعا
إليك
ادون الإعجآب
برآئعتك
دمت
لكل جمييل

الله الله كلمات جدا راقيه
يسلم قلبك على جميل طرحك ودفا نبضك
كلمات تستحق ان تنسج بماء الذهب
تقبلي مروري مع اطيب الامنيات

» روااية امضي لا تعد