قصة #بيـن_قـلبين لـ يـاسمين

الحــلقه ( 1 )

​ياسمين البطله تخرجت من كلية تربيه قسم لغة عربيه وقدمت للعمل في مدرستها القديمه وايضا كي تراعى اختها واخيها التوأم في الصف الرابع الابتدائي مازن و وايناس في نفس مدرستها .. تسكن مع أمها(سميحه) واخواتها في بيت مكون من 3 طوابق ملحق بحديقه خلفيه واسعه و ساحه اماميه واسعه ايضا وهذا البيت هو ما ورثوه عن ابيه االذي توفى منذ 4 اعوام .. تسكن في الطابق الارضي والمتصل بالدور الثاني بسلم داخلي بينما الدور الثالث منفصل عن الدورين بسلم خارجي ليكون شقه منفصله تماما عن البيت وهي شقه فارغه ..

__________________________________

استيقظت ياسمين بعد ساعات متواصله من النوم العميق فتحت عينيها وجلست على سريرها وفردت ذراعيها وقامت فورا وخرجت من حجرتها وجدت والدتها في حجرة المعيشه
تتصفح جريدة اليوم .. نظرت لها امها مبتسمه : صباح الخير ياحبيبتي .. صاحيه وشك منور ماشاء الله عليكي

ياسمين : صباح الفل ياماما .. انا بس بقالي اسبوع منمتش المده دي من غير منبه يصحيني بصوته المزعج

واتجهت الى الحمام وغسلت وجهها وخرجت قالت لوالدتها : انا عارفه بس ايه اللي خلاني اتخبطت في دماغي واشتغل على طول بعد الكليه.. كنت ارتحت شويه

الام : انتي اللي جريتي على مدرستك القديمه وقولتي هي اولى اني اشتغل فيها حتى تراعي اختك واخوكي وهما لسه بيدرسوا فيها

ياسمين : صحيح هما فين؟ مش سامعه خناق ولا دوشه؟

الام: عندهم درس وان شاء الله نص ساعه وييجوا

ياسمين : اللي يسمعك يقول انهم بياخدوا الدرس على اول الشارع .. دول في في الاوضة اللي على الجنينه

الام : طيب يالمضه

ياسمين: انا هقوم افطر

فطرت ياسمين وذهبت لوالدتها : ها ياجميل النهارده الجمعه .. هانطبخ ايه .. انا عارفه ان يوم الجمعه السفره بتبقى مختلفه عن بقيت الاسبوع

الام : لا انتي مالكيش دعوه بالاكل النهارده ..

ياسمين : ليه كده انا مابتعبش من وقفة المطبخ على فكره مانتي عارفه

الام : مش كده .. بس النهارده بعد الصلا الناس اللي قلتلك عليهم جايين وعايزين يشوفوا الشقه اللي فوق ولو عجبتهم هيجيبوا عفشهم وحاجاتهم اخر الاسبوع اللي جاي ..

ياسمين: ممممم يعني انا اللي هتدبس في الوقفه معاهم وافرجهم على اشقه وشغل السماسره ده .. ماتخليني انا في المطبخ وتطلعي انتي معاهم

الام : لا ياحبيبتي انا كمان هكون موجوده في الاول وبعدين ادخل اكمل شغلي في المطبخ عشان عايزه اعمل كام صنف بايدي مانا همسك فيهم على الغدا انتي بأه خليكي معاهم وفرجيهم على الشقه والجنينه الخلفيه واماكن ركن عربياتهم اعرفي عنهم كل حاجه واتفقي انتي ووريني شطارتك

ياسمين : حرام وانا ذنبي ايه في وجع الدماغ ده؟

الام: انا مش بقيالكوا ياحبيبتي انتي دلوقتي المسئوله عن اخواتك وعن البيت لازم تكوني عارفه كل حاجه عن املاكوا وتعرفي تتعاملي مع الناس ازاي

ياسمين : بعد الشر عنك ياست الحبايب .. انا هعمل كل اللي انتي عايزاه بس من غير ماسمع الكلام ده منك .. احنا الامان الوحيد لينا في الدنيا هو وجودك معانا

الام : ياحبيبتي ياياسمين ربنا مايحرمني منك ابدا

انهت ياسمين صلاة الظهر وفتحت دولابها وارتدت تيشرت لبني نصف كم وجينز أسود وعقصت شعرها خلف ظهرها كديل الحصان ..
خرجت لامها في المطبخ وقالت ها ياماما الناس هيجوا امتى ..

نظرت لها والدتها وتفحصت ملابسها بنظره تنم على عدم الرضا : هيجوا في اي لحظه الست قالتلي بعد الجمعه .. وبعدين ايه اللي انتي لابساه ده ؟ ناقص تلبسي كاب كمان عشان تكملي دور الكابتن اللي عاملاه

ياسمين : ايه ياماما انا قاعده في بيتنا مش خارجه يعني البس اي حاجه بقى

الام : لا والله .. مانتي لبسك كده على طول .. هتضحكي عليا ولا ايه

ياسمين : كبري دماغك بقى ياقمر هما جايين يتفرجوا على الشقه ولازم نبقى ناس عمليين مايهمناش المظاهر

هنا دخلت اخت یااسمین الصغيره ايناس ممسكه بكتاب الرياضيات الخاص بها

سألت ياسمين : ياسمين في مسأله مش عارفه أحلها تعرفي تحليها ولا انتي عربي بس؟

ياسمين: ياسلام يالمضه هانم دانتي في رابعه ابتدائي الرياضه مش صعبه اوي تعالي نطلع الصاله اشوف مسأله اي دي

خرجت یااسمین مع اختها وانغمست في حل المسائل معها الى ان استوعبت ایناس كيفية حل المسائل

ايناس: والله ياياسمين انتي بتشرحي احسن من الاستاذ بتاعنا ماتخليه يبطل يدينا درس وانتي اولى بالفلوس

ياسمين : وانا فاضيالك يعني وبعدين انا مش هفهم اكتر منه هو تخصص انا يادوب فهمت من الكتاب الطريقه وشرحتهالك انتي بس اللي بتكسلي تقري ماهو مازن جوه اهو حل الواجب كله لوحده

ايناس : ياسلام ياختي مازن ده اصلا ...

قاطعها صوت جرس الفيلا الخارجي

ياسمين : لمي نفسك بقى واسكتي عشان الضيوف لما يجوا ياخدوا عننا فكره كويسه دول ناس جايين يأجروا الشقه اللي فوق على فكره

ايناس : عارفه ياستي عندي فكره قبلك

ياسمين وهي تنعكش شعر اختها : طيب يافالحه احترمي نفسك النهارده عايزين الناس تاخد فكره غلط عن اخلاقك لحد مايعاشرونا ويعرفوا حقيقتك العار

قامت ياسمين ونظرت من نافذة حجرة المعيشه الموجوده بالطابق الثاني من الفيلا وجدت البواب يفتح الباب لسياره جيب لم تتبين عددهم ولا ملامحهم من البدايه لبعد المسافه .. كان البواب عنده علم بمجئ هذه الاسره .. ففتح له الباب على الفور ودخلوا بالسياره الى داخل الساحه الاماميه

ذهبت ياسمين لوالدتها لتخبرها بوصول المؤجرين ونزلت السلم وفتحت لهم الباب

____________________________________

ذهبت ياسمين لوالدتها لتخبرها بوصول المؤجرين ونزلت السلم وفتحت لهم الباب

ترجل من السياره رجل وسيده في سن كبيره يبدو عليهم الوقار .. حمدت یااسمیک ربها في سرها بأنهم اثنين فقط وكبار في العمر .. لا يوجد أطفال مزعجين ولا شباب يحجمون حركاتها بالمنزل .. وقالت في سرها : أسرة صغيره حياة أفضل

رحبت بهم ياسمين بابتسامتها الصافيه

ياسمين : أهلا وسهلا اتفضلوا
السيد : أهلا يابنتي انا الدكتور حسن منصور ودي زوجتي الدكتوره كوثر فريد ..

ياسمين : تشرفنا يافندم أهلا وسهلا اتفضلوا ماما مستنيه حضراتكم جوه

دخلا حسن وكوثر بهو الفيلا والذي ينم على ذوق عالي وبسيط في نفس الوقت .. عجب كوثر ذوقهم كثيرا وارتاحت من الوهله الاولى للعائله التي سوف تشاركهم بيتهم
جلسوا على أحد الصالونات الموجوده بالريسبشن ونزلت لهم سميحه

وقف الدكتور حسن وسلم على سميحه في احترام وسلمت على كوثر ودعته للجلوس مره اخرى ..

عرف الدكتور حسن نفسه هو وزوجته مره اخرى : انا دكتور قلب وزوجتي دكتورة أطفال وكنا بنبني مستشفى في المعادي هنا والمستشفى زي ما حضرتك عارفه بتحتاج مصاريف كتير جدا للأجهزة الطبيه بالذات ..المهم احنا بعنا القصر بتاعنا عشان نقدر نكمل بنا المستشفى وخصوصا ان اولادنا واحد ورا التاني هيسيبونا ويتجوزوا .. قلنا ندور على سكن قريب من موقع المستشفى عشان اقدر اتابعها بنفسي كل يوم وفي نفس الوقت يكون في نفس مستوى القصر .. ومع المستشفي ببني جمبها فيلا صغيره لما تخلص هننقل فيها على طول

سميحه : ده شرف لينا يافندم ان فيلتنا المتواضعه تعجب حضرتك والدكتوره وتتبسطوا في العيشه معانا انا اسمي سميحه أرمله من أربع سنين عندي یااسمین لسه خريجه جديده من تربيه قسم لغة عربيه ومازن وایناس توأم رابعه ابتدائي وياسمين بتشتغل في نفس مدرسة الاولاد .. يعني اهو بتروح وتيجي معاهم وبتاخد بالها منهم
كوثر : دي فكره كويسه انهم يبقوا مع بعض بره البيت .. ربنا يخليهم لبعض

سميحه : يارب

ياسمين: ويخليكي لينا يا ماما

انسحبت ياسمين وأحضرت صينية عليها كاسات من العصير الطازج وقدمتها لهم

حسن : وياترى زوج حضرتك كان بيشتغل ايه ؟

سميحه : تاجر أخشاب .. دي كانت مهنته الأساسيه اللي ورثها هو واخواته عن والده الله يرحمه وبجانب شركة الاخشاب فتح بمجهوده مكتب استيراد وتصدير في القاهره هنا والحمد لله في واحد في اسكندريه وواحد في بورسعيد ..

حسن : ماشاء الله ربنا يباركلكوا فيهم .. ومين اللي بياخد باله من الشغل بعد وفاة زوج حضرتك

سميحه : اخوات زوجي .. هما اصلا كانوا بيشتغلوا معاه وشركاءه في الشركه ومغلق الخشب بس .. لكن مكاتب الاستيراد والتصدير بتوعنا لوحدنا وفي مديرين ليهم وياسمين ربنا يبارك فيها بتروح وتيجي عليهم ومتابعه الشغل عن بعد

حسن : آسف لو كنت تطفلت على حضرتك وسألتك أسئله تخص العائله

سميحه : لا ابدا برحتك

كوثر : ده من ذوق حضرتك

سميحه : دلوقتي ياسمين هتروح معاكوا تتفرجوا على الشقه ويارب تعجبكوا واي تعديلات احنا تحت امركوا ..

كوثر : بصراحه البيت من بره ومن جوه شكله جميل ومريح جدا وانا بحيي حضرتك على ذوقك العالي في الاثاث ..

سميحه : ربنا يكرمك يادكتوره

فتحت ياسمين باب الفيلا وأفسحت لهم الطريق وقالت اتفضلوا .. ارشدتهم الى السلم الرئيسي ودعتهم للصعود اولا وصلوا الى الشقه وفرجتهم عليها وكانت مكونه من ريسبشن كبير وملحقه ب 4 حجرات ..

كوثر : ماشاء الله الاوض واسعه ومريحه وفعلا 4 اوض يادوب يكفوا ...

ياسمين في سرها : يكفوا ايه انتوا هتقسموا نفسكوا على اربعه .. وانا مالي
ياسمين : اتفضلي يادكتوره بصي على البلكونه دي بتطل على الجنينه اللي ورا .

كوثر : الله الفيو من هنا رائع .. تعالى ياحسن بص

دخل حسن وهو عاقد يده خلف ظهره وهو صامت يدرس المكان بدقه عاليه قبل قرار الموافقه .

وأدخلتهم سهى بلكونه اخرى تطل على الناحيه الاخرى من الحديقه وهي الساحه الاماميه

ياسمين : وهنا مكان ركن العربيات .. حضراتكم ممكن تختاروا مكان لركن العربيه . في اكتر من مكان مخصص لكده

كوثر : احنا هنزحملكم الحته هنا شويه عشان احنا معانا 4 عربيات

ياسمين بتعجب حقيقي : 4 ليه ؟

حسن : عربيتي اللي تحت دي وعربية الدكتورة كوثر وعربية الدكتور قاسم وعريبة الدكتور كلاله
ياسمين : دول هيجوا يعيشوا معاكوا هنا ؟

كوثر بفخر : اه طبعا مادول أولادنا اللي هيعيشوا معانا هنا .. قاسم دكتور عظام وكلاله دكتور أسنان وعندي هاله دكتورة علاج طبيعي وهي متجوزه وفي مصطفى دكتور مخ وأعصاب وهو الحمد لله متجوز .. يعني قاسم وكلاله بس اللي هيعيشوا معانا
ياسمين في سرها : ملحقتش افرح اهو دلوقتي هيقلبوا دماغنا دخول وخروج واصحاب داخلين طالعين
قالت ياسمين لهم : ماشاء الله العيله كلها دكاتره ربنا يحفظهم لحضرتك
كوثر : آمييييين

ياسمين: على العموم المكان واسع يسمح بوجود 6 عربيات كبار ... واحنا عندنا عربيه واحده وبكده ان شاء الله المكان هيكفي وزياده
وصمتت ياسمين وتركتهم يجوبوا في المكان براحتهم وهم يتحدثوا ويتفقوا من سيأخد هذه الحجره ومن سيأخذ تلك .. استاذنت منهم ياسمين لتنزل عند والدتها ليأخذوا راحتهم في رؤية المكان ...

ياسمين : هستناكوا عند ماما عشان تتفق مع حضراتكوا

نزلت ياسمين وقالت كوثر: ماشاء الله على الادب .. بنت مؤدبه وصوتها واطي وكلامها قليل .. واضح انهم عيله كويسه ..
حسن : اه .. انا ارتحت للمكان .. قريب وهادي ونفس مستوى القصر تقريبا

كوثر: اه القصر .. ماتفكرنيش انا مش عارفه ازاي رضيت انك تبيعه بعد العمر ده

حسن : ماهو عشان نكمل المستشفى ونسيب حاجه للولاد بتاعتهم يشتغلوا فيها من غير ماحد يتحكم فيهم وبرضو هعملك فيلا صغيره كده جمب المستشفى عشان نكون جنبهم

ثم ضمها الى صدره بحنان وقبل رأسها وقال: ماتقلقيش ياكوثر كله هيبقى تمام ان شاء الله

كوثر : يلا ننزل للناس بقى عشان نتفق ونروح

كانت ياسمين نزلت لوالدتها وحكت لها على ما دار بينها وبين السكان الجدد وقالت لها على عدد الابناء المشاركين لهم في المسكن وعدد السيارات

ثم جاء حسن وكوثر واتفق مع سميحه على الايجار وانهم سوف يحضروا الاثاث يوم الثلاثاء ويرتبوا كل شئ يومي الاربع والخميس لكي يبدأوا حياتهم الجديده في هذا البيت يوم الجمعه واعطى لها حسن كارتين واحد باسمه والاخر باسم زوجته ليعطيها الفرصه تسأل عليهم لتطمأن اكثر

واصرت كوثر على ان يتناولوا طعام الغذاء معهم ولكنهم رفضوا بشده لانهم على موعه على الغذاء في بيت ابنتهم الدكتوره نيرمين وكل العائله منتظراهم هناك

سميحه : بس يادكتوره هتتعوض ان شاء الله اول يوم تيجوا هنا ان شاء الله هتتغدوا معانا

كوثر: موافقه جدا بس على شرط تقوليلي يا كوثر من غير دكتوره احنا دلوقتي اخوات وجيران وصحاب ان شاء الله
ياسمين: هو انا اطول .. طبعا طبعا ان شاء الله

الحــلقه ( 2 ) من قصـة
#بيـن_قلبيـن_لـياسـمين
ذهب حسن وكوثر الى بيت ابنتهم

وجدوا كل الابناء هناك محمود وزوجته امنية وابنه حسن ذو العام والنصف عام .. وهاله وهي عروس جديد وزوجها الدكتور خالد والدكتور كلاله ولكن الدكتور قاسم لم يحضر بعد ...

جلست كوثر وقالت : هو قااسم دايما بيجي متأخر ليه ماهو مفيش عنده لا عياده ولا مستشفى النهارده

هاله: مانتي عارفه ياماما قااسم بيحب النوم زي عينيه

خالد : المهم يا طنط عملتوا ايه في البيت اللي رحتوا تشوفوه

كوثر : والله ياخالد انا اكتر حاجه كانت تهمني في الموضوع الناس اللي هنسكن معاهم .. وبصراحه واضح عليهم الاخلاق والتربيه والادب .. يعني ان شاء الله نرتاح في العيشه معاهم .. ده غير ان البيت ماشاء الله مستواه كويس ومساحته كويسه ومريح نفسيا جدا

هاله: وحضرتك يابابا رأيك فيه ايه

حسن : رأيي من رأي والدتك فعلا زي المثل ما بيقول الجار قب الدار .. عندهم بنت كبيره وولد وبنت توأم صغيرين .. يعني أسره لطيفه .. الحمد لله اتفقنا على كل حاجه وهننقل العفش من يوم التلات وهنبدأ يوم الجمعه باذن الله

خالد : على خيرة الله

سمعوا جرس الباب : فتح خالد : اهلا يا قااسم .. لازم يعني تيجي اخر واحد كل مره كده ؟

قااسم وهو يسلم على خالد : اعمل ايه بس ياخالد مانت عارف مابشوفش صحابي الا يوم الجمعه بعد الصلا ..

حسن : كنت يابني عايزك تيجي معانا تتفرج على البيت الجديد مش يمكن مكنش يعجبك

قااسم وهو يقبل اخته : اي حاجه تعجب حضرتك وتعجب ماما هتعجبني اكيد

كوثر: بكاش

سلم قااسم على جميع الموجودين ونظر الى كلاله الذي يقرأ كتابا في البلكونه ومندمج تمام معه ومنعزل عن باقي الاسره

قااسم : ايييييييييييييه

انتفض كلاله من مكانه : ايه ياقاسم انت مش هتكبر بقى

قااسم : ماهو انت مستفز بصراحه انت لسه واخد ماجيستير ولسه بتذاكر ايه مازهقتش

كلاله : لا مانا لازم اخد الدكتوراه كمان

قااسم : أصحاب العقول في راحه

كلاله وهو يرجع الى كرسيه وكتابه : خلينالك العقل ياأخويا

تناولوا غذائهم وسط جو عائلي لطيف وفي البيت الاخر تناولت سميحه ومع ابنائها الثلاث الغذاء وسط نقاش حلو ظروف معيشتهم الجديده

سميحه : اهم حاجه لازم تعرفوها ان الوضع مش هيتغير .. احنا كده كده ماكناش بنستخدم الشقه دي في حاجه .. يعني عادي عايزين تلعبوا ياولاد في الجنينه براحتكم وانتي ياياسمين اركني عربيتك في اخر مكان عشان تسيبي الاماكن الاولى ليهم براحتهم

وكل عيشتنا زي ماهي وواضح انهم ناس محترمين متربيين ومش هيسببوا لينا اي ازعاج من اي نوع

مازن وايناس في نفس واحد : حاضر ياماما

ياسمين : ربنا يسهل ياست الكل

جاء يوم الثلاثاء استيقظ الجميع في منزل ياسمين مبكرا استعدوا الابناء للذهاب للمدرسه واعدت لهم سميحه الفطار .. سلموا على والدتهم ونزلوا الى باب الفيلا وتذكرت سهى دفترها الخاص بملخصات حصص اليوم .. فاعطت مفتاح العربيه لمازن

ياسمين : معلش يامازن خد المفتاح واقعدوا في العربيه لحد ما اجيب دفتري من فوق واجي نسيته خالص

اخذ مازن المفتاح وركب السياره في المقعد الخلفي هو واخته .. دخلت ياسمين حجرتها اخذت الدفتر ونزلت لهم مره اخرى .. وفي هذه اللحظه كان قااسم واقف بسيارته امام الباب الخارجي للفيلا يخبر البواب انه ابن المؤجر الجديد وكان يتبعه سياراتان من سيارات الاثاث أحدهما عملاقه تحمل الاثاث الثقيل والآخرى متوسطه تحمل مقتنيات الاسرة من ملابس ورفايع .. رحب به البواب وفتح له البوابه على الفور ودخل قااسم الطريق الممهد الى باب الفيلا الرئيسي مسرعا صانعا وراءه سحابه من التراب وفرمل أمام الفيلا مباشرة في نفس اللحظه كانت يااسمين تخرج من الباب وتنزل من الرصيف متجهه الى مكان سيارتها .. هنا تراجعت يااسمين على الفور من هذا المنظر .. وظلت تسعل من كمية التراب الذي استنشقته عى حين غفله .. نزل قااسم من سيارته ونظر الى مصدر صوت السعال وجدها واقفه خلف سحابة الغبار والغبار يزول شيئا فشيئا وهي مازالت تسعل الى ان دمعت عيناها .. ثم نظرت له نظره كلها غضب

قالت بصوتها المحشرج من السعال : اييييييه اللي انت بتعمله ده يااسمك ايه انت وانت اصلا دخلت هنا ازاي؟ انت مين وعايز ايه
انزل قااسم نظارته الشمسيه قليلا من على عينيه ولم يخلعها ونظر الى ياسمين نظره مطوله من فوقها لاخمص قدميها ثم خلع نظارته تماما وقال في بهدوء مستفز : انا ساكن هنا انتي اللي مين
يااسمين : ياسلام على الثقه .. ساكن هنا بتاع ايه انا صاحبة البيت وبقولك انت مين وازاي تدخل هنا ؟ ي

قااسم وقد شعر انه تجاوز حدوده في استفزازها : خلاص ياانسه انا قولتلك انا ساكن هنا .. انا ابن الدكتور حسن اللي مأجر في الشقه اللي فوق .. وكان معادنا النهارده التلات ان احنا نيجي نقل العفش.. كلامي ده في حاجه غلط ؟

تذكرت يااسمين الميعاد وقالت : وده يديك الحق انك تدخل البيت بالطريقه دي .. شوف انت بهدلتلي هدومي .. اروح شغلي ازاي دلوقتي ؟
قااسم وقد نفذ صبره من مراضاتها : خلاص يعني هو انا رشيت عليكي ميه .. نفضي هدومك كده وهيبقى كأن محصلش حاجه .. في حد كبير بأه أكلمه ولا الكلام هيبقى معاكي انتي ..

هنا خرجت سميحه من باب الفيلا وهي تقول : في ايه ياياسمين صوتك عالي ليه ؟

فوجئت بقااسم فهي لم تراه قبل ذلك

سميحه : اي خدمه يابني؟

قااسم: ايوه يافندم انا ابن الدكتور حسن وكنت جايب العفش حسب الميعاد

سميحه : اهلا وسهلا .. طيب ثانيه واحده اجيبلك المفتاح ..

ثم نظرت لياسمين : ماروحتيش شغلك ليه يابنتي هتتأخري انتي واخواتك .. يلا روحي

يااسمين وهي تشاور على ملابسها : يعني يرضيكي اروح وانا كلي تراب كده .. عشان الاستاذ ..

قاطعها باسلوب يغيظها : دكتور ..
لم تنظر له ولم تعلق على كلمته : عشان اسمه ايه ده ..

قاطعها مره اخرى : قااسم .. دكتور قااسم
ياسميين : دخل بعربيته وغرقني تراب اعمل ايه دلوقتي ؟

سميحه : معلش ياياسمين تلاقيه ماشفكيش ولا حاجه يعني هو هيقصد يبهدلك ؟ نفضي هدومك والتراب هيروح

اطلق قااسم ضحكه ساخره قصيره لم تلاحظها سميحه لكن لاحظتها يااسمين

نظرت له ياسمين نظرة غضب طفولي وتركته وذهبت الى سيارتها وادارتها وخرجت من الفيلا تحت نظرات قااسم المستفزة

قااسم في سره : والله وهتبقى قعده حلوه في البيت هنا .. شكلي هتسلى بيكي يااسمك ايه انتي

الــحــلقه ( 3 )
​وقف قااسم مع العمال واشرف عليهم وهم ينقلون الاثاث الي الشقه العلويه .. واثناء ذلك ارسلت سميحه اكواب من العصير المثلج مع بضح حبات من الكرواسون والباتيه مع البواب وبعدها ارسلت اليهم الشاي ..

انهى قااسم مهمته ونزا وطرق باب الفيلا ... فتحت لسه سميحه

قااسم: احنا خلصنا ياطنط وهنمشي

سميحه : طيب بص انا جهزت نسختين من مفتاح الشقه ودي كل النسخ اللي عندي

وناولته باقي النسخ

سميحه : وطبعا ليكوا الحق في تغيير الكالوون

قااسم: ياخبر لا ياطنط ما يصحش طبعا

وصمت قليلا ثم قال : انا كنت عايز اشكرك على الضيافه اللي حضرتك بعتيها واتأسفلك على الوقف البايخ اللي سببته للانسه الصبح

كان يريد معرفة اسمها من الكلام عنها

سميحه : لا.. انا اللي مش عايزاك تزعل من عصبيتها هي بتنزل على فاشوش في الاخر وبتصفى بسرعه ..

خاب امله في معرفة اسمها .. ونظر في ساعته وجدها قرب الثانية عشر ظهرا ..

قااسم : طيب هستأذن حضرتك عشان الحق شغلي . تأمريني بأي حاجه

سميحه : شكرا يادكتور ربنا يحفظك .. مع السلامه

خرج قااسم من البيت ولم يفكر في يااسمين كثيرا فقط اسعده انه اغاظها وانه سوف يراها كثيرا بحكم الجيره وسوف يتسلى على اغاظتها واستفزازها باسلوبه المعروف .. تحدث الى والده في الهاتق واخبره بما تم انجازه في الشقه . ذهب الى الفندق الذي استأجر والده فيه غرفتين بعد بيعهم للقصر والى ان يستقروا في بيتهم الجديد.. يستريح قليلا قبل موعد عيادته في الثالثه عصرا ..

مر اليوم على ياسمين في المدرسه وهي متعكرة المزاج .. ليس بسبب ثيابها المتسخه فهي بالفعل لم تتسخ كثيرا .. بل بسبب اسلوب قااسم المستفز .. وعرفت انها ستعاني كثيرا منه اثناء وجوده معها في نفس المنزل .. ثم تذكرت كلام والدتها بانهم لن تتغير حياتهم بوجود هذه الاسره معهم ..

وقالت لنفسها لتطمئن : عادي انتي اصلا ماتحتكيش بيه ولا تكوني موجوده في المكان اللي هو فيه .. ثم تنهدت : ياربي دي عيشة ايه دي اللي هحصر نفسسي في مكان معين في بيتي عشان شخص مستظرف نفسه

في طريقها للعوده سمعت ايناس ومازن يتحدثان عن مافعله قااسم صباحا .. وظلت يااسمين منصته لهم لتعرف رد فعلهم تجاه الحدث

مازن : بس شفتي ياايناس عمو عمل بالعربيه ازاي؟ عملها ازاي دي ده شاطر اوي

ايناس : بس خلى الجو كله تراب

مازن : ماهو ياعبيطه ده اللي بيحصل لما تعملي بالعربيه هووووووووووب امريكاني كده

اينااس : ياسلام وانت عرفت منين كنت بتسوق قبل كده

مازن : لا يافالحه انا بشوف كده في مسابقات العربيات في التلفيزيون بس انا هخليه يعلمني هو بيعمل كده ازاي

ضحكت يااسمين لحوار الطفولي بين اخواتها .. وصلت لبيتها .. تناولت الذاء وحكت لها امها عن اعتذارقااسم .. سرحت قااسم قليلا

قطعت تفكيرها امها : ياياااااااسمين

يااسمين : نعم ياماما

سميحه : يابنتي بنادي عليكي .. كلنا قمنا وخلصنا وانتي قاعده سرحانه قدام طبقك
الفاضي .. ايه لسه جعانه اغرفلك حبة كمان ياحبيبتي

يااسمين : لا لا ابدا انا هقوم اغسل المواعين

انهتي يااسمين دورها اليومي في غسل المواعين وحضرت الشاي لها ولامها وخرجت لها في البلكونه المطله على الحديقة الخلفيه فهذه جلستهم كل يوم بعد الغذاء في حين يذهب ايناس ومازن للاستذكار او حضور درس ان وجد

يااسمين : يعني انتي قلتيلي ان مفيش حاجه هتتغير .. وبعدين يجي سي قااسم ده باسلوبه وشكله هيقرفنا s

سميحه : اتكلمي بأدب يياسمين .. دول خلاص بقوا جيران وخلاص لو هيضايقك ماتتكلميش معاه .. وكده كده هيبقى الاتصال بينك وبينهم على خفيف مش عايزة كلام كتير دول بردو شباب ..

يااسمين : مش فاهمه
سميحه : يعني خدي بالك من كلامك معاهم .. مثلا ماتتكلميش معاهم زي مابتكلمي ولاد خالك او ولاد عمامك .. دول متربيين معاكي وعارفين اسلوبك في الهزار مش هيفهموه غلط .. الجيران دول بقى غرب اول مره يعرفونا .. انا مابعيبش في اسلوبك بالعكس انتي اسلوبك بسيط مع الناس كلها ومش عايزه حد يفسر البساطه دي حاجه تانيه ..انشفي في التعامل في الوقت الجد وابتسامه بسيطه ولا ضحك بصوت عالي ولا رغي ولو حسيتي برخامه من اي واحد منهم اقفلي الحوار وابعدي بذوق ..
يااسمين وقد استوعبت كلام امها : حاضر ياماما

______________________________________

مر يومي الاربع والخميس بنفس المنوال .. تحضر كوثر مع 3 خادمات وهاله ابنتها بعد الساعه الخامسه ويظلوا يفرشون ويرتبون أغراضهم و اشيائهم الخاصه الى الساعه العاشره مساءا وكانت سميحه لا تتوقف عن ارسال واجبات الضيافه لهم من كيك وعصائر ومعجنات وجاتوه وكانت تصر عليهم ليتناولوا العشاء ولكنهم كانوا يعتذروا بشده عن العشاء .. وكانت يااسمين تعرض عليهم ان تساعدهم في الترتيب ونشأت بينها وبين هاله نوع من بداية الصداقة القويه وأيضا أحبتها كوثر لسلاستها وبساطتها في الحوار ...

انتهى يوم الخميس بعد جهد شاق من كل الاطراف الى ان تم توضيب الشقه بالكامل وكانت جاهزة لاستقبال اسرة الدكتور حسن من يوم الجمعه

كانت ليلتها يااسمين تتقلب على فراشها .. فهي تشعر ان هناك تار بينها وبين قااسم .. وكانت تتمنى ان ترد عليه وقتها ولكن أدبها منعها .. لماذا هي متوتره من لقاءه غدا .. حتما ستراه فأسرته على موعد مع أسرتها لتناول غذاء يوم الجمعه .. وقد أعدت والدتها قائمه طعام فاخره ستقوم يااسمين بإعداد بعض الأصناف وتقوم والدتها بالبعض الاخر

كانت تفكر يااسمين قائله لماذا هي خائفه ان تخطأ في المقادير .. فهي كما يقولون أستاذة مطبخ .. ولكن خائفه ان تخطأ فيسخر منها قااسم باسلوبه السخيف ..

لم يكن قااسم يفكر فيها مثل ماكانت هي تفكر فيه .. فقااسم دكتور ناجح بالفعل ولكن بجانب ذلك فهو يحب الحياه الصاخبه المليئه بالخروج والاصدقاء والسفر .. كانت يااسمين تظهر في خياله كطيف من بعيد فيجد نفسه يبتسم بسخريه ثم يختفي طيفها .. لم تكن لها اهميه شديده كي يفكر فيها مثل ماهي تفكر فيه وتعمل لكلامه حساب .. فهي ليست اول فتاه يستفزها او يسخر من شئ فعلته

استيقظت صباحا في الساعه العاشره صباحا .. اعتدلت في جلستها واخدت نفس عميق وقالت بعض الاذكار لتهدأ من روعها ..

قامت واغتسلت ودخلت المطبخ لامها وجدتها انهت معظم الاصناف وليس باقي عليها سوى التسويه ..

صباح الخير ياماما .. انتي خلصتي كل حاجه ولا ايه ؟

سميحه : اه تقريبا .. ناقص السوا بس هبدأ اسوي الاكل لما اصلي الضهر الاول

يااسمين : طيب انا هفطر وانا بشتغل عشان الحق

عكفت يااسمين وسميحه على العمل في المطبخ الى ان انتهوا من اعداد الطعام قبل معاد الغذاء بنصف ساعه

ذهبت يااسمين وأخذت حماما وغيرت ملابسها ولاول مره وجدت نفسها تقف اما دولابها وتحتار فيما ترتدي وليس كالعاده تأخذ أي شئ تراه امامها ..

انتقت فستانا ربع كم تحت الركبه بقليل .. لونه موف هادي متادخل مع اللون الابيض ويزينه بعض الزهور الصغيرة على اطراف الفستان وعلى الكتاف

ولبست حذاء باللون الابيض ووضعت توكه بسيطه من اللون الابيض على جانب شعرها وتركت باقي شعرها مسدولا على ظهرها .. ونظرت لنفسها في المرآه ثم ببطء فتحت علبة المكياج الخاصه بها والتي لم تستعملها منذ مده .. وضعت بعض المساحيق البسيطه والتي تلائم فستانها .. وخرجت وجدت مازن وايناس يتابعان قناة اطفال ونظر لها مازن واطلق صفيرا

مازن : انتي مين يامزه .. انتي من السكان الجداد ولا ايه ؟

ضحكت يااسمين لكلامه : ايه يامازن شكلي حلو بجد ؟

اينااس : طبعا ياسوسو انتي ماشفتيش نفسك في المرايه ولا ايه؟

يااسمين : ميرسي ياحبايبي

مازن : الله ومابقتيش تشتمينا كمان .. اللهم دمها نعمه

ضحكت يااسمين وذهبت لحجرة امها وطرقت الباب ودخلت .. نظرت لها والدتها باعجاب شديد ..: ماشاء الله عليكي ياياسمين .. انا ماشفتكيش بفستان من زمان

يااسمين : انا بس عارفاكي كنتي هتقولي البسي حاجه غير الجينز والتيشرت قلت ارضيكي كده مره من نفسك
ضحكت سميحه وقبلت ابنتها : ربنا يرضيكي ويسعدك دايما يارب
خرجت يااسمين من حجرتها وشعرت سميحه ان شيئا غير رضا الام هو من جعل يااسمين تهتم بزينتها هكذا

نزلت يااسمين للريسبشن وجهزت الاطباق على طاولة الطعام الرئيسيه وجلست على كرسي من كراسي الصالون الموجود وسرحت كثيرا وهي تلعب باحدى خصلات شعرها .. الى ان دق باب الفيلا الداخلي معلنا عن قدوم الزوار المنتظرين

تمت,